لو عملت كدة يبقي مبروك إنت متحرش رسمي .
التحرش من إنك تقوم بالزنا أو اللمس فقط ... لكن في تصرفات بنعملها وبنحس إنها عادية جدا ومبنعتبرهاش تحرش لكنها في الواقع بيكون تأثيرها علي البنت تأثير التحرش ، والمشكلة إن في ناس بتبقي عارفة إنها بتتحرش لكن بتلاقي مبررات لده فا أحب أقولك كدة علي حاجة برضه تخش تحت بند التحرش سواء كنت عارف أو مش عارف إنك متحرش رسمي... زي مثلا :
- إن تبقي بنت معدية (غالبا بتكون مش محجبة) وتروح تيجي جنبها وتقول بصوت إنت تقصد إنها تسمعه (إستغفر الله العظيم) أو (حسبي الله ونعم الوكيل) وده طبعا بعد ما تكون سيادتك بحلقت علي مزاجك .... أوعي تكون فاكر إن ربنا هيعاقبها –لو هي عاملة حاجة غلط - ومش هيعاقبك إنت عشان إشتهيتها حتي لو ملمستهاش ... طب هي إتأذت في إيه ؟ إنت كدة بتوصلها إنها قليلة الأدب وسافلة وتدعو للفسق لمجرد إنها مش لابسة حجاب ... تخيل بقي البني أدم عنده مشاعر يا جدع !!! تخيل بقي إنت وصلتها رسالة إنها كدة يبقي تحرشت بيها جنسيا ولا لأ ؟ لو عملت كدة يبقي مبروك إنت متحرش رسمي .
- طبعا حضرتك تقدر تدي مبررات للي بتعمله ده للصبح ... مثلا : إن هي السبب لأن لبسها محزق ولابسة منغير هدوم وإذا معاكستهاش أنا غيري هيعاكسها ، دي لابسة كدة عشان هي عايزة يحصل فيها كدة ، أعرف مرة واحد عبقري قالي أنا بعمل كدة عشان تتعلم متلبسش كدة تاني !!!!!!... قول مبررات للصبح ... لكن في النهاية إنت إتحرشت بيها يا باشا وكسبت كارنيه المتحرش الرسمي .
- لو عايز تعمل موقف إيجابي فعلا بخصوص موضوع التحرش ده خليك عارف إن اللي في إيده يمنع التحرش ده هو إنت لما تبقي إيجابي وتاخد موقف و لما تشوف حد بيضايق حد تمنعه ... هيقولك وإنت مالك ... تخيل إن البنت اللي بتتعاكس دي حد تعرفه وساعتها ملقيتش حد يدافع عنها ... طبعا ليك دخل ولازم يكون ليك دور في إنك تدافع عن أي حد بيتعرض للتحرش من أي نوع ... بس أوعي تاخدك الجلالة والشهامة وتروح حاطط إيدك علي كتفها أو حاضنها وتمسحلها دموعها عشان الموقف الصعب اللي إتعرضت ليه ده .
very nice approach! thanks for writing!
ردحذفههههههههههه عندك حق ولاهى دى حرية شخصية فى النهاية
ردحذفgaaaaaamdaaaaaaaa begaaaaad ya Larry
ردحذفهههه
ردحذفعندك حق فعلا !
في ناس معندهاش دم للأسف و فاكرة إنها كدا لما بتعاكس هتخلي البنات تلتزم :(