الخميس، 21 أبريل 2011

خناااااااقة


خناااااااااااقة


مش عارف أقول إيه ... هو ده وقته يا جدعان ؟
أولا ... خناقة كبيرة بين وائل عباس وعمرو واكد علي تويتر أفندي كلنا متابعينها ... وإتقسمنا نصين ، نص مع وائل بينقله تويتات عمرو ، ونص مع عمرو بينقله تويتات وائل ... ونص تالت بيتفرج ويضحك ... متهيألي لو حاولنا نعمل مظاهرة تاني في أي يوم جاي والأتنين دول شافو بعض في مظاهرة معتقدش هتعدي علي خير ... أنا مش بسخن الدنيا أكتر ولا بحفزهم ضد بعض لكن قول إنت ... فكرك المنظر هيبقي عامل إزاي لو إتقابلو في مظاهرة ضد النظام ؟
يا جماعة أرجوكم نرجع زي ما كنا ... وائل وعمرو مش صغيرين وأنا هنا مش بلعب دور الراجل الكبير الحكيم اللي هيلم الشمل ... خليكوا براحتكم إنتوا أدري بمصلحتكم لكن خلو بالكم إن إحنا لسة مخلصناش الثورة و في ناس متعلقة بيكم كأفراد و بتتبع كلامكم وأرائكم ، والناس دي لما تشوف الوضع كدة هيبي إيه حالها ؟ راعو أرجوكم إن وراكم ناس .... أنا مش بدعو لمصالحة ولا تمثيلية علي طريقة النظام السابق نحط إيدينا في إيدين بعض ونبوس بعض ونتصور مع بعض لكن دي المشكلة وإنتوا حلوها بقي .

تاني خناقة اللي فتحها في وشنا السيد عمر عفيفي ... حاطط فيديو بيقول فيه إن وائل غنيم مش هو الأدمن بتاع صفحة خالد سعيد ... يعني هي حبكت معاه يقول البقين دول دلوقتي ؟ ؟ ؟ تفتكر حضرتك لو بتقرا إن ده الوقت المناسب لحاجة زي كدة ؟ حتي لو المعلومة دي حقيقية فمش وقتها ... صدقني مش وقتها ... إيه لازمة إننا نشتت الناس بحاجة زي دي ؟ ... ماشي يا سدي الثورة لازم تكون نضيفة وطاهرة ولو عندك معلومات أكيدة إستني وقولها في وقتها لأن لسة مخلصناش الثورة والمطالب متحققتش إيه لازمة نفتح حوار زي ده دلوقتي ؟
أنا عن نفسي مش فارق معايا مين الأدمن ... إنشالا حتي يكون جمال مبارك هو الأدمن ... دي ثورتي أنا مش ثورة وائل غنيم ومفيش قائد ليها فمش هيفرق معايا ولا مع ناس كتير .... لكن في ناس كتير تانيين بيفرق قوي معاهم الحاجات دي .... تخيل إنت بتطلع القائد اللي في دماغهم نصاب وبيضحك عليهم ... ساعتها طبعا هيروح شاتم في الثورة والثوار ويحبط ويتحول من متحمس ومناصر للثورة إلي ناقم عليها وهيخون كل اللي حواليه ... إحنا ناقصين ؟
أديك عكيتها ... حلها بقي ... ويا ريت تختار التوقيت المناسب للحاجات اللي زي دي بعد كدة .

هناك 3 تعليقات:

  1. Totally agree, we have to unit not so as not to give any chance to external element to demolish our revolution

    ردحذف
  2. انا مشفتش الخناقه بتاعت عمرو و وائل بس فعلا مش وقتها خالص ...

    و ممكن وائل غنيم ميكنش مؤسس الصفحه بس ممكن يكون ادمن فيها عادى يعنى كذا وتحد ادمن فيها مش فاهمه ايه اللى مضايقه عمر غفيفى يعنى!!

    ردحذف
  3. في التويترتصادف من اعتبرتهم نخبه سياسيه ونشطاء يدافعون عن الحق فاذا سالت احدهم او اختلفت معه يسبك ببساطه انا الشعب الغلبان الذي جاء للتعلم.يتشدقون بحريه الراي وانهم نشطاء للبحث عن حقوقك تنزل للتظاهر وانت معجب بما يقولونه لك وبعدها تهان منهم كيف اثق بكم بعد هذا.اليوم صرحت لاحدهم بعد ما اتهم استاذ احبه انه حرامي ان هذا اتهام سخيف فرد قائلا ليس اسخف منك يا ابن ................ كان الاولي ان يتحدث بذوق.كنت بالطبع سافطن الي ما بتعليقي من تجاوز غير مقصود لكن وساعتذر (شعب غلبان )لكن الان انا لا احترمه ان كان يملك كنوز المعرفه في العالم كله....سادافع عن الحريه ...العدل ...المساواه ..القيم ...ومصر ..وساسب مخالفي او من اخطا بغير عمد...وما بين مبارك واشاوس قله الحياء لا اجد فارق
    .انا ليس عندي عدد فلورز كبير لا قيمه اذا لرايي وهذا لاني شعب غلبان اثبت وخليني اجيب حقوقك بقي يا ابن ال........ طيب بتشتمني ليه طيب.ا
    نا بحب مصر والمصريين اخواني طيب انا اعتبرتك اخويا وكلمتك علي تويتر من الاعتبار ده بتقولي متتباسطش معايا اومال اخوات ليه وليه بتتكلم معانا
    ..ايه الفرق بينك وبين الي كانوا بيغلطوا ويقلوا ادبهم قبل كده اومال انا ثرت ليه
    ..وفي الاخر بما اني شعب غلبان قادر برضه ارد لك الاهانه والايام اثبتت ده لكن مش هنزل لمستوي من يعتبر نفسه نشط وهو مستحقش غير بوليس الاداب.. هذه رؤيه شخصيه لي فهل انا مخطئ؟ !!! نفسي حد يجاوبني تامر هاشم

    ردحذف